Tablet: Tablet မှာ Keyboard တပ်ထားရင်တောင် သူက Mobile OS စနစ်နဲ့ပဲ အလုပ်လုပ်တာပါ။ Apps တွေကို အဓိကထားပြီး ဒီဇိုင်းဆွဲထားတာ ဖြစ်ပါတယ်။ ဒါကြောင့် Zoom အတန်းတွေကို အမြန် Join ချင်တာ၊ အိမ်စာတွေကို ဓာတ်ပုံရိုက်ပြီး Upload လုပ်တာ၊ Duolingo သို့မဟုတ် Khan Academy လို Interactive Learning App တွေသုံးတာမျိုးအတွက် အရမ်းကောင်းပါတယ်။ မြန်ဆန်တယ်၊ ရိုးရှင်းတယ်၊ သုံးရလွယ်ကူပါတယ်။

Personal Computer: Laptop လို Personal Computer မျိုးကတော့ Desktop OS (Windows) စနစ်နဲ့ အလုပ်လုပ်ပါတယ်။ File တွေ၊ Folder တွေ၊ Drive တွေနဲ့ စနစ်တကျ သိမ်းဆည်းနိုင်တဲ့ စနစ်ပါရှိပါတယ်။ ဒါဟာ သင့်ကလေး အတန်းကြီးလာတဲ့အခါ Research Paper တွေ စုစည်းဖို့၊ USB Stick နဲ့ Data တွေကူးဖို့၊ ရှုပ်ထွေးတဲ့ စာရွက်စာတမ်းတွေ ပြင်ဆင်ဖို့အတွက် မရှိမဖြစ် လိုအပ်လာမယ့် စနစ်တစ်ခုပါ။ ငယ်စဉ်ထဲက ထိတွေ့မိတဲ့အခါ မစိမ်းတော့ပဲ အခြားသူတွေထက်ပိုပြီး အသုံးပြုတတ်သွားပါတယ်။

Tablet with Keyboard: ဒီပုံစံက Interactive Learning (အပြန်အလှန် တုံ့ပြန်သင်ယူခြင်း) အတွက် သင့်တော်ပါတယ်။ သင့်ကလေးရဲ့ အိမ်စာတွေက ပုံဆွဲရတာ၊ အဖြေတွေကို Touchscreen ပေါ်မှာ Drag & Drop လုပ်ရတာ၊ ဗီဒီယိုသင်ခန်းစာတွေ ကြည့်ရတာမျိုးဆိုရင် Tablet က ပိုအဆင်ပြေပါတယ်။ သင်ခန်းစာတွေကို Touch Screen နဲ့ တိုက်ရိုက်ထိတွေ့ပြီး သင်ယူနိုင်လို့ပါ။

Personal Computer: သမားရိုးကျ Laptop ပုံစံမျိုးရှိတဲ့ PC တွေကတော့ Structural Work အတွက် တည်ဆောက်ထားတာပါ။ သင်ယူမှုပုံစံက "ကြည့်ပြီး၊ ထိတွေ့ပြီး သင်ယူတာ" ထက် "စာရိုက်ပြီး စနစ်တကျ ပြင်ဆင်ရတာ" ဘက်ကို ရောက်လာပြီဆိုရင်တော့ တည်ငြိမ်မှုရှိတဲ့ Laptop တစ်လုံးက သင့်ကလေးရဲ့ အာရုံစူးစိုက်မှုနဲ့ အလုပ်ပြီးမြောက်မှုနှုန်း (Speed) အတွက် မရှိမဖြစ် လိုအပ်လာပါပြီ။

Tablet + Keyboard: ဒီတွဲဖက်မှုက Flexibility (ပေါ့ပါးလွတ်လပ်မှု) အားသာချက်ရှိပါတယ်။ ဆိုဖာပေါ်မှာ စာအုပ်ဖတ်ချင်ရင် Keyboard ကိုဖြုတ်ပြီး ယူသွားလို့ရသလို၊ စာပြန်ရိုက်ချင်ရင် ပြန်တပ်လိုက်ရုံပါပဲ။ အလေးချိန်ပေါ့ပါးလို့ ကလေးငယ်တွေ ကျောပိုးအိတ်ထဲထည့်ပြီး သယ်သွားဖို့ လွယ်ကူပါတယ်။

Personal Computer: PC ကတော့ Stability (ခိုင်ခံ့တည်ငြိမ်မှု) ပိုကောင်းတဲ့အားသာချက်ရှိပါတယ်။ ခိုင်ခံ့တဲ့ Hinge တွေပါလို့ Screen ကို ကြိုက်တဲ့ Angle မှာ ထောင်ထားလို့ရပါတယ်။ ဒါက သင့်ကလေး စာတွေအများကြီးရိုက်ရတဲ့အခါ ဒါမှမဟုတ် စားပွဲမှာထိုင်ပြီး စာလုပ်တဲ့အခါ အရေးပါပါတယ်။ Screen နဲ့ Keyboard က သက်တောင့်သက်သာရှိတဲ့ အနေအထားတစ်ခုမှာ အသေရှိနေတာကြောင့် ကလေးရဲ့ ထိုင်ပုံထိုင်နည်း (Posture) အတွက်လည်း ပိုကောင်းပါတယ်။

လက်ရှိမြန်မာနိုင်ငံအခြေအနေမှာ Budget က အဓိက ဆုံးဖြတ်ချက်ပေးတဲ့ အရာဖြစ်နေတတ်ပါတယ်။

Tablet: ငြင်းလို့မရတဲ့အချက်ကတော့ Tablet တွေက စျေးအသက်သာဆုံး ရွေးချယ်မှုပါ။ အကယ်၍ Budget Save ဖြစ်ဖို့က အရေးကြီးနေတယ်ဆိုရင်တော့ သာမန် Tablet တစ်လုံးက Zoom သုံးဖို့နဲ့ Video ကြည့်ဖို့အတွက် စျေးအသက်သာဆုံး ဖြေရှင်းနည်းပါပဲ။ လက်တလော အခက်အခဲကို ဖြေရှင်းဖို့အတွက်တော့ အဆင်ပြေပါတယ်။

Personal Computer: PC ဝယ်မယ်ဆိုရင်တော့ ကနဦး ရင်းနှီးငွေ ပိုများပါလိမ့်မယ်။ ဒါပေမဲ့ ရေရှည်အတွက်ဆိုရင် ငွေကုန်သက်သာစေပါတယ်။ သာမန် Tablet တစ်လုံးက သင့်ကလေး အတန်းကြီးလာပြီး သင်ခန်းစာတွေ ရှုပ်ထွေးလာတဲ့အခါ အကန့်အသတ် ဖြစ်လာနိုင်ပါတယ်။ ASUS Vivobook လို PC တစ်လုံးကို အခုကတည်းက ရင်းနှီးမြှုပ်နှံလိုက်ရင် အထက်တန်းကနေ တက္ကသိုလ်တက်တဲ့အထိ အေးဆေးသုံးလို့ရပါတယ်။ ၂ နှစ်၊ ၃ နှစ်နေမှ နောက်ထပ် Device အသစ်တစ်လုံး ထပ်ဝယ်ရမယ့်စရိတ်ကို အခုကတည်းက ကြိုကာကွယ်လိုက်တာပါပဲ။

Specs တွေ၊ စျေးနှုန်းတွေအပြင် မမြင်ရတဲ့ အရေးကြီးဆုံးအချက်တစ်ခု ကိုလည်းမိဘတွေအနေနဲ့သတိပြုရမှာဖြစ်ပါတယ်။ အဲဒါကတော့ "သင့်ကလေးရဲ့ စိတ်သဘောထား (Mindset)" ပါ။

The Tablet Challenge: Tablet ဆိုတာ ကလေးတွေ ဂိမ်းဆော့နေကျ၊ ကာတွန်းကားကြည့်နေကျ၊ TikTok ပွတ်နေကျ Device ဖြစ်နေတတ်ပါတယ်။ ဒါကြောင့် Tablet ရှေ့ရောက်တာနဲ့ သူတို့ဦးနှောက်က အလိုလို "Play Mode" (အပျော်သဘော) ကို ရောက်သွားတတ်ပါတယ်။ Keyboard တပ်ထားရင်တောင်မှ ဂိမ်းဘက်ကို Swipe လုပ်ပြီး ထွက်သွားချင်စိတ်က အမြဲရှိနေမှာပါ။ ဒါကြောင့် အာရုံစူးစိုက်ဖို့ ပိုပြီး စည်းကမ်းတင်းကျပ်ရတတ်ပါတယ်။

The Personal Computer Advantage: PC ကတော့ ကလေးကို နောက်ထပ် Message တစ်ခု ပေးပါတယ်။ Laptop အဖုံးကိုဖွင့်ပြီး Keyboard ရှေ့မှာ ထိုင်လိုက်တာနဲ့ "Work Mode" ကို Trigger လုပ်လိုက်သလိုပါပဲ။ ဒါဟာ ဖျော်ဖြေရေးသက်သက်မဟုတ်ဘဲ ဖန်တီးမှုတွေလုပ်မယ့် နေရာတစ်ခုဆိုတဲ့ အသိကို ပေးပါတယ်။

The "Future Skill" Factor: ယနေ့ခေတ်ရဲ့ လုပ်ငန်းခွင်အများစုဟာ Personal Computer တွေကိုပဲ အသုံးပြုကြပါတယ်။ သင့်ကလေးကို ငယ်ငယ်ကတည်းက PC နဲ့ ပေးထိတွေ့ထားတာက Computer ကိုအကျွမ်းတဝင်ရှိစေပြီး File တွေ စီမံခန့်ခွဲတတ်တာ၊ စာရိုက်တတ်တာ စတဲ့ တန်ဖိုးရှိတဲ့ Computer Exposure ကို ရစေပါတယ်။ ဒါတွေက Touchscreen တစ်ခုတည်းနဲ့ သင်ပေးလို့မရတဲ့ တကယ့်လုပ်ငန်းခွင်တွေမှာ အသုံးတဲ့မယ့် မရှိမဖြစ် ကျွမ်းကျင်မှုတွေပါပဲ။

Tablet ရွေးချယ်ပါ

• သင့်ကလေးက မူလတန်းအရွယ် (Grade 1-4) ဖြစ်နေမယ်ဆိုရင်
• သူတို့ရဲ့ သင်ယူမှုပုံစံက ပုံတွေ၊ ဗီဒီယိုတွေ၊ Educational Game တွေနဲ့ Interactive ဖြစ်နေရင်
• ပေါ့ပါးပြီး သယ်သွားသယ်လာ လွယ်ကူဖို့က အဓိက ဦးစားပေးဖြစ်နေမယ်ဆိုရင်

Personal Computer ရွေးချယ်ပါ

• သင့်ကလေးက အလယ်တန်း/အထက်တန်းအဆင့် (Grade 5 နှင့်အထက်) ဖြစ်နေရင်
• စာစီစာကုံးရှည်ကြီးတွေ ရေးရတော့မယ်၊ PowerPoint Slide တွေ လုပ်ရမယ်၊ Coding စလေ့လာတော့မယ် ဆိုရင်
• နောင်တချိန် သူတို့ရဲ့ လုပ်ငန်းခွင်မှာ အသုံးပြုရမယ့် "Professional Environment" နဲ့ အခုကတည်းက ကြိုတင် မိတ်ဆက်ပေးချင်တယ်ဆိုရင်

အကြံပြုချက်: သင့်ကလေး Learning လုပ်ဖို့အတွက် Device တစ်ခုဝယ်တော့မယ်ဆိုရင် နောက်(၃) နှစ်တာ ကာလကို ကြိုတွေးသင့်တာဖြစ်ပြီး ကျောင်းစတက်ခါစ အရွယ်ဆိုရင်တော့ Tablet ကကောင်းမွန်ပြီး အသုံးပြုရလွယ်ကူတဲ့ အစပျိုးမှုတစ်ခုဖြစ်ပါတယ်။

ဒါပေမဲ့ အထက်တန်းအဆင့်ကို ရောက်ခါနီးပြီဆိုရင်တော့ ASUS Vivobook လို Personal Computer မျိုးက ရေရှည်အတွက် ပိုမိုကောင်းမွန်တဲ့ ရင်းနှီးမြှုပ်နှံမှု ဖြစ်ပါလိမ့်မယ်။