DJI Osmo Pocket 4: Pocket 3 ထက် အဆင့်မြင့်တင်ထားတဲ့ အကောင်းဆုံး Vlogging ကင်မရာ

၁။ Design & Build Quality

Pocket 4 ရဲ့ ရုပ်ထွက်ဒီဇိုင်းက ယေဘုယျအားဖြင့် Pocket 3 နဲ့ ဆင်တူပေမယ့် အသုံးပြုရ ပိုမိုလွယ်ကူအောင် ခလုတ်အသစ်တွေ ထည့်သွင်းပေးထားပါတယ်။ အလေးချိန် 190.5g သာရှိလို့ အိတ်ကပ်ထဲ အလွယ်တကူ ထည့်သွားနိုင်တဲ့ အနေအထားမှာပဲ ရှိပါသေးတယ်။

Joystick အသစ်က Gimbal ကို Pan/Tilt လုပ်တဲ့အခါ ကိုယ်တွန်းလိုက်တဲ့ အားအပေါ်မူတည်ပြီး အနှေး/အမြန် တုံ့ပြန်ပေးတဲ့အတွက် ပိုပြီး Smooth ဖြစ်တဲ့ ရိုက်ချက်တွေကို ရနိုင်ပါတယ်။

Osmo Pocket 4

Osmo Pocket 3

မျက်နှာပြင်အောက်မှာ Zoom Button အသစ် (1x နဲ့ 2x အမြန်ပြောင်းရန်) နဲ့ ကိုယ်သုံးနေကျ Setting တွေကို တစ်ချက်နှိပ်ရုံနဲ့ ပြောင်းနိုင်မယ့် Custom Preset Button တို့ ပါဝင်လာပါတယ်။

2-inch OLED Screen မှာ 1000 nits Brightness အထိ ရှိလာလို့ နေပူထဲမှာလည်း ရှင်းရှင်းလင်းလင်း မြင်ရပြီး၊ မျက်နှာပြင်ကို လှည့်ပြီး Landscape/Portrait ပြောင်းရိုက်နိုင်တဲ့ စနစ်လည်း ဆက်လက် ပါဝင်ပါတယ်။

၂။ Camera Performance & Video Quality

ကင်မရာပိုင်းမှာတော့ DJI က အကြီးမားဆုံး အပြောင်းအလဲတွေကို လုပ်ဆောင်ထားပါတယ်။

ပုံမှန် 1-inch ကနေ Stacked Sensor အသစ်ဖြစ်တဲ့ CMOS Sensor ကိုပြောင်းလဲသုံးစွဲထားလို့ အလင်းရောင်နည်းတဲ့ နေရာတွေမှာ ရိုက်ကူးမှု သိသိသာသာ ကောင်းမွန်လာပြီး Dynamic Range 14 Stops အထိ ရရှိလာပါတယ်။

Pocket 3 မှာ 4K/120fps အထိပဲ ရခဲ့ပေမယ့် Pocket 4 မှာတော့ 4K resolution ကို 240fps အထိ ရိုက်ကူးနိုင်လို့ အလွန် Smooth ဖြစ်တဲ့ Cinematic Slow-motion တွေကို အေးဆေး ဖန်တီးနိုင်ပါပြီ။

Color Grading အသေးစိတ် လုပ်ချင်တဲ့ Professional တွေအတွက် ယခင် D-Log M ကနေ True 10-bit D-Log ကို ပြောင်းလဲပေးလိုက်တဲ့အတွက် အရိပ် (Shadows) နဲ့ အလင်း (Highlights) တွေကနေ အသေးစိတ်ကျတဲ့ အရောင်တွေကို ဆွဲထုတ်နိုင်ပါတယ်။

ဗီဒီယိုအပြင် 37 Megapixel ရှိတဲ့ ဓာတ်ပုံတွေကိုပါ ရိုက်ကူးနိုင်ပါတယ်။

၃။ ActiveTrack 7.0 & Stabilization

DJI ရဲ့ နာမည်ကြီး 3-axis Mechanical Gimbal ကြောင့် လမ်းလျှောက်နေရင်းပဲဖြစ်ဖြစ်၊ ပြေးနေရင်းပဲဖြစ်ဖြစ် ဗီဒီယိုတွေက လုံးဝ ငြိမ်နေမှာပါ။

ActiveTrack 7.0 | image from dji.com

Subject Tracking လုပ်တဲ့နေရာမှာ ActiveTrack 7.0 ကိုအသုံးပြုထားတဲ့အတွက် ပိုပြီး ဉာဏ်ကောင်းလာပါတယ်။ 4x Zoom ဆွဲထားရင်တောင် လူ၊ တိရစ္ဆာန် ဒါမှမဟုတ် ယာဉ်တွေကို မျက်ခြေမပြတ် လိုက်ဖမ်းပေးနိုင်ပြီး၊ ကြားထဲမှာ အရာဝတ္ထုတစ်ခုခု ကွယ်သွားခဲ့ရင်တောင် ပြန်ပေါ်လာတာနဲ့ အလိုအလျောက် ဆက်လက် ခြေရာခံပေးပါတယ်။

၄။ Storage, Battery & Audio

107GB Built-in Storage ပါလာတာကတော့ Pocket 4 ရဲ့ အမိုက်ဆုံး အချက်ပါ။ SD Card မေ့ကျန်ခဲ့ရင်တောင် စိတ်ပူစရာမလိုတော့ဘဲ ကင်မရာထဲမှာတင် 107GB ပါဝင်လာပါတယ်။ USB 3.1 ကြောင့် File Transfer လုပ်တဲ့အခါ 800MB/s အထိ မြန်ဆန်စွာ ကူးယူနိုင်ပါတယ်။ MicroSD card လည်း ထပ်စိုက်လို့ ရပါသေးတယ်။

107GB Built-in Storage & Fast Transfer | image from dji.com

Battery Life: 1545mAh ဘက်ထရီကြောင့် ၂ နာရီနီးပါး ဆက်တိုက် (1080p/24fps ဆိုရင် မိနစ် ၂၄၀ အထိ) သုံးနိုင်ပြီး ၁၈ မိနစ်အတွင်း 0-80% အထိ အမြန်အားသွင်းနိုင်တဲ့ Fast Charging ပါဝင်ပါတယ်။

Audio စနစ်: Built-in မိုက်တွေက 4-channel Spatial Audio ကို ဖမ်းယူပေးနိုင်ပြီး Creator Combo မှာဆိုရင် DJI ရဲ့ နောက်ဆုံးပေါ် DJI Mic 3 Transmitter ပါဝင်လာပါတယ်။

၅။ Conclusion

DJI Osmo Pocket 4 ဟာ Pocket 3 ကနေ အများကြီး အဆင့်မြှင့်တင်ပေးလိုက်တဲ့ အကောင်းဆုံး Vlogging ကင်မရာတစ်လုံးပါ။ အထူးသဖြင့် 107GB Internal Storage ပါလာတာရယ်၊ True 10-bit D-Log နဲ့ 4K/240fps တွေ ထည့်ပေးလိုက်တာဟာ Content Creator တွေ၊ Vlogger တွေနဲ့ Filmmaker တွေအတွက် အလွန် အသုံးဝင်မယ့် Feature တွေ ဖြစ်ပါတယ်။ ကိုယ်က အရည်အသွေးမြင့် ဗီဒီယိုတွေကို အိတ်ကပ်ထဲ အလွယ်တကူ ထည့်သွားလို့ရတဲ့ ကင်မရာသေးသေးလေးနဲ့ ဖန်တီးချင်တယ်ဆိုရင်တော့ Osmo Pocket 4 က လက်ရှိအချိန်မှာ အကောင်းဆုံးနဲ့ ပြိုင်ဘက်ကင်း ရွေးချယ်မှုတစ်ခု ဖြစ်ပါတယ်။